Cara liberdade
- O’Mighelo (Miguel Anxo Calvo)
Nesta intervención da rúa Vila de Negreira do número 38, o artista multidisciplinar local, Miguel Anxo Calvo, de alcume O’Mighelo, quixo reflexar a súa visión sobre ciclo ou “circo” da vida. Según palabras do propio autor: “Cara a liberdade, en busca da liberdade (case sempre,…cara liberdade); querendo ou sen querer, o certo é que con bastante máis asiduidade da que ás veces somos conscientes, moi poucos remorsos, e case que total impunidade, vertemos regueiros de sangue no seu nome, “liberdade”; libremente, e sen importarnos o máis mínimo as bágoas, tamén de sangue, das demais persoas que perden a súa…” Así, a temática deste mural é a loita pola procura da liberdade, que ás veces sae cara e incluso custa a vida e moito sangue. A figura que simula un acróbata pendurado dun fío representa o camiño do ser humano na vida, acompañado da noción do incerto que en ocasións conleva a persecución dunha nova vida, co descoñecemento do destino, de aí os signos de interrogación que se poden ver ao redor do “acróbata”. O concepto de vida é representado polo cordón umbilical, que suxeitado por dous cativos, está conectado ao outro extremo a un arame de espiñas con forma de corazón, como símbolo da conexión vida-morte nese contexto de incerteza (globos).
