Esta artista segoviana, fincada en Madrid, sitúa o seu traballo entre a pintura e o muralismo e as súas obras están influenciadas pola vida cotiá

Marta Lapeña (Ólvega, Soria 1993) é o primeiro dos nomes dos que falaremos como artista convidada do Rexenera Fest 2021 (que terá lugar do 3 ao 13 de xuño). Trátase dunha artista plástica e muralista que actualmente vive e traballa en Madrid. Licenciada en Deseño de Interiores pola Universidad Politécnica de Madrid, decidiu dedicarse á pintura e á investigación e estudo de diferentes técnicas, centrándose posteriormente na concepción e desenvolvemento de proxectos artísticos. Asistiu a varios cursos e participa en experiencias relevantes que a levaron a participar en diferentes galerías, feiras de arte, centros culturais e festivais de arte urbana como parte da súa traxectoria profesional.

O seu traballo sitúase entre a pintura e o muralismo, ás veces materializado en proxectos concretos e outras veces en propostas máis experimentais. A súa arte está naturalmente influenciada polas experiencias da vida diaria, as persoas que coñeceu, os comportamentos dos que foi testemuña e os problemas sociais que lle preocupan. En definitiva, a través da súa arte busca a igualdade a todos os niveis: social, cultural e natural.

Aborda temas como o despoboamento nas zonas rurais, a desigualdade e a violencia; calquera tipo de violencia pero especialmente a violencia de xénero. O compoñente social adoita ser o tema central do seu traballo e nas súas últimas obras tamén se centrou nos bodegóns.

• Web de Marta Lapeña: https://www.martalap.com/ 
• Instagram de Marta Lapeña: https://www.instagram.com/mart_lap_/